धानोरा । वार्ताहर

येथील शिक्षण क्षेत्रात नावलौकीक असलेल्या आदर्श शिक्षण संस्थेच्या पाडळशिंगी (ता.गेवराई, जि.बीड) येथील कृषी पंडित भागुजीराव ढेकळे कनिष्ठ महाविद्यालयातील कर्तव्यदक्ष प्रा. दीपक देवराव लाटे हे 30 एप्रिल 2020 रोजी तीस वर्षांच्या सेवेनंतर सेवानिवृत्त झाले. 

लाटे हे वाणिज्य शाखेचे प्राध्यापक होते.अकाऊंट विषय ते मोठ्या आवडीने शिकवत. त्यांनी ढेकळे महाविद्यालयात पर्यवेक्षक म्हणूनही काम केले. प्रा. लाटे हे मूळ नांदेवली (ता.शिरूर कासार) येथील रहिवासी आहेत. त्यांनी एका सामान्य शेतकरी कुटुंबातून आपल्या जीवनाची जडणघडण केली. आदर्श शिक्षण संस्थेच्या संस्थापक, लोकनेत्या, माजी खासदार कै.केशरकाकू क्षीरसागर, माजीमंत्री जयदत्त क्षीरसागर व सर्व क्षीरसागर कुटुबीयांच्या प्रत्येक सदस्यांशी प्रा. लाटे यांची जवळीक आहे. त्यांच्या सेवानिवृत्तीबद्दल मोबाईलवर त्यांच्यावर दिवसभर शुभेच्छांचा वर्षाव होत होता.