नगराध्यक्षांनी विविध भागात केली पाहणी

बीड । वार्ताहर

आजपासुन बीड शहरात नगर पालिकेच्या वतीने मान्सूनपूर्व कामाला सुरुवात करण्यात आली माळीवेस, सुभाष रोड वरील मोठे नाले, आजुबाजुचा परिसर स्वच्छता करण्याचे काम हाती घेण्यात आले आहे. नगराध्यक्ष डॉ.भारत भूषण क्षीरसागर यांनी स्वतः आज विविध भागात पहाणी करून कामगारांना साहित्य वाटप केले मोठ्या नाल्याची साफसफाई सुरु झाली असुन टप्प्याटप्प्याने पूर्ण बीड शहरात मान्सूनपूर्व स्वच्छतेची कामे होणार आहेत.

माळीवेस याठिकाणी नगराध्यक्ष डॉ.भारतभुषण क्षीरसागर यांनी स्वतः भेट देऊन कामाचा आढावा घेतला. काम करत असलेल्या मजुरांना सुरक्षेच्या व स्वच्छतेच्या दृष्टीने त्यांना लागत असलेले साहित्य यावेळी नगराध्यक्ष यांच्या हस्ते देण्यात आले. सध्या कोरोनाचे संकट असुन योग्य ती काळजी सबंधित सर्व यंञणेनी घ्यावी असे यावेळी नगराध्यक्ष यांनी सांगितले. यावेळी मुख्यधिकारी डॉ.उत्कर्ष गुट्टे, नगरसेवक राजेंद्र काळे, नितीन साखरे, नाना मस्के, पिंटु माने व नगर परिषदेचे अधिकारी, कर्मचारी उपस्थित होते.