शहर पोलिसांची आठवडभरात 2 री कारवाई

माजलगाव । वार्ताहर

       शहरातील इंदिरानगर व अरफतनगर भागातील 3 वेगवेगळ्या हातभट्टी अड्ड्यावर शहर पोलिसांच्या पथकाने धाड टाकून 500 लिटर रसायन व 50 लिटर दारू जप्त करत 3 आरोपींना अटक केली.शहर पोलिसांच्या या धडाकेबाज कारवाई ने हातभट्टी दारू विक्रेत्यांत दहशत पसररली असून रेनापुरी येथील कारवाई नंतर 8 च दिवसात ही दुसरी कामगिरी शहर पोलिसांनी पोलीस निरीक्षक सुरेश बुधवन्त यांच्या मार्गदर्शनाखाली काल केली

            29 एप्रिल रोजी सकाळी 11 ते 1 च्या दरम्यान इंदिरा नगर व अरफतनगर येथे शहर पोलीस पथकाने छापा टाकून हातभट्टी चालवणाऱ्या विरोधात कारवाई केली यात पांडुरंग रामभाऊ मेंडके,रा इंदिरानगर,दीक्षा भारत पवार,अरफत नगर,सोजर बाई छबु मेंडके,या 3 आरोपींना अटक केली.पो नी सुरेश बुधवन्त यांच्या मार्गदर्शनाखाली सहाययक पोलीस निरीक्षक अविनाश राठोड,पोलीस उपनिरीक्षक विजय थोटे,ए एस आय पवार, पो कॉ शरद पवार,पो ना गदेवाड,म पो शिपाई कापले,उबाळे,राठोड यांच्या पथकाने ही कारवाई केली.

      याबाबत शहर पोलिसात पो कॉ शरद पवार,रोकडे,कापले यांनी दिलेल्या 3 वेगवेगळ्या फिर्यादी नुसार गुन्हे दाखल करण्यात आले असून  2 गुन्ह्याचा तपासपोलिस नाईक गादेवाड तर 1 गुन्ह्याचा तपास पो कॉ शरद पवार यांच्या कडे आहे.