गेवराई । वार्ताहर

तालुक्यातील चकलांबा पोलीस ठाण्या हद्दीतील मौजे तांदळा शिवारातील सर्व्हे नं. 710 मधील 2 विद्युत खांबावरील 360 मीटर लांबीच्या 3 तारा चोरट्यांनी हातोहात लंपास केल्या. चोरीची ही घटना दि. 15 ते 16 एप्रिलच्या दरम्यान घडली. चोरीला गेलेल्या तारेची किमंत 8 हजार 610 रूपये इतकी आहे. चोरीचा हा प्रकार लक्षात आल्यानंतर शिरूर येथील कार्यकारी अभियंता राहुल जायभाये यांनी चकलांबा ठाण्यात तक्रार नोंदवली. अज्ञातांविरूद्ध चोरीचा गुन्हा दाखल झाला असून सहाय्यक फौजदार थोरात पुढील तपास करत आहेत.