बीड / वार्ताहर 

अमरावती येथून अविनाश बारगळ यांची बीड जिल्हा पोलीस अधीक्षकपदी बदली झाल्यानंतर आज शनिवारी सकाळी त्यांनी मावळते पोलीस अधीक्षक नंदकुमार ठाकूर यांच्याकडून पदभार स्वीकारला. अविनाश बारगळ हे अतिशय शिस्तप्रिय अधिकारी म्हणून ओळखले जातात. अमरावती येथील त्यांची कारकीर्द अनेक वर्षांची राहिलेली आहे.

बीडचे पोलीस अधीक्षक नंदकुमार ठाकूर यांची नुकतीच बदली झाली.त्यानंतर त्यांच्या जागी पोलीस अधीक्षक म्हणून अविनाश बारगळ यांची राज्य शासनाने नियुक्ती केलेली आहे. आज 10 ऑगस्ट रोजी सकाळी 10.30 वाजता अविनाश बारगळ यांनी जिल्हा पोलीस अधीक्षक पदाची सूत्रे हाती घेतली. यावेळी एसपी नंदकुमार ठाकूर यांनी पुष्पगुच्छ देऊन त्यांचे स्वागत केले.