स्वा. सावरकर कॉलेज रस्त्याच्या कामाची नगराध्यक्षांनी केली पाहणी

बीड | वार्ताहर
बीड शहरातील नेत्रधाम परिसरातील स्वा.सावरकर कॉलेज ते सेंट अन्स स्कूल रस्त्याचे डांबरीकरणाचे काम सुरू आहे. काल नगराध्यक्ष डॉ.भारतभूषण क्षीरसागर यांनी सुरू असलेल्या कामाची पाहणी केली.

नेत्रधाम परिसरात कॉलेज, दवाखाना आहे. त्याठिकाणी रुग्ण, विद्यार्थी मोठ्या प्रमाणात येत असतात.मात्र या परिसरात कच्चा रस्ता असल्याने ये - जा करताना त्रास होत होता.तसेच पावसाळ्यात हा रस्ता पाण्याखाली येत होता,त्यामुळे स्थानिकांची रस्ता संदर्भात
अनेक दिवसांची मागणी होती.नगराध्यक्षांनी देखील या मागणीची दखल घेत काही दिवसांपूर्वी लवकरच दर्जेदार रस्ता करण्याचे आश्वासन दिले होते. आज नगराध्यक्षांनी दिलेले आश्वासन पूर्ण करत रस्त्याचे डांबरीकरणाचे काम पूर्ण केले.यावेळी नगराध्यक्षांनी रस्त्याची पाहणी करत गुत्तेदार, अधिकारी आणि कर्मचारी यांना रस्ता दर्जेदार करण्यासंदर्भात योग्य त्या सूचना केल्या.तसेच पुढील कामही त्वरित सुरू करण्याच्या सूचना दिल्या
यावेळी स्थानिक नागरिकांनी रस्त्याचा प्रश्न मार्गी लावण्याबद्दल नगराध्यक्षांचे आभार मानले.
याप्रसंगी स्थानिक नागरिक,तसेच स्वा सावरकर कॉलेजचे प्राचार्य व प्राध्यापक उपस्थित होते