बीड | वार्ताहर

जिल्ह्यात सोमवारी (दि.8) कोरोनाचे 18 नवे रुग्ण निष्पन्न झाले दरम्यान काल रविवारी 26 जण कोरोनामुक्त झाल्याने त्यांना रुग्णालयातून सुटी देण्यात आली. जिल्हा आरोग्य विभागाने ही माहिती दिली.

सोमवारी बीड जिल्ह्यातील 308 संशयितांची कोरोना चाचणी करण्यात आली. यातील 290 जणांचे अहवाल कोरोना निगेटिव्ह आले तर 18 नवे रुग्ण निष्पन्न झाले.याशिवाय रविवारी 26 रुग्ण कोरोनामुक्त झाले.सुदैवाने रविवारी एकही मृत्यूची नोंद नाही.सोमवारच्या बाधितांमध्ये अंबाजोगाई 6, बीड 4,धारुर 4, परळी 1 व शिरुर तालुक्यातील 3 रुग्णांचा समावेश आहे.आता जिल्ह्यातील एकूण बाधितांची संख्या 18 हजार 42 इतकी झाली असुन पैकी 17 हजार 257 जण कोरोनामुक्त झाले आहेत तर 558 रुग्णांचा मृत्यू झाला आहे.