बीड । वार्ताहर

जिल्ह्यात रविवारी(दि.7) कोरोनाचे 23 नवे रुग्ण निष्पन्न झाले तर 26 जण कोरोनामुक्त झाल्याने त्यांना रुग्णालयातून सुटी देण्यात आली. आता जिल्ह्यात 209 रुग्णांवर उपचार सुरु आहेत. जिल्हा आरोग्य विभागाने ही माहिती दिली.
रविवारी जिल्ह्यातील 427 संशयितांची कोरोना चाचणी करण्यात आली. यातील 404 जणांचे अहवाल कोरोना निगेटिव्ह आले तर 23 नवे रुग्ण निष्पन्न झाले.याशिवाय 26 रुग्ण कोरोनामुक्त झाले.सुदैवाने रविवारी एकही मृत्यूची नोंद नाही.बाधितांमध्ये अंबाजोगाई 8, आष्टी 5, परळी व बीड तालुक्यात प्रत्येकी 4 तसेच धारुर व केज तालुक्यात प्रत्येकी 1 रुग्णांचा समावेश आहे. आता जिल्ह्यातील एकूण बाधितांची संख्या 18 हजार 24 इतकी झाली असुन पैकी 17 हजार 257 जण कोरोनामुक्त झाले आहेत तर 558 रुग्णांचा मृत्यू झाला आहे.