बीड । वार्ताहर

जिल्ह्यात आज गुरुवारी (दि.28) कोरोनाचे 32 नवे रुग्ण निष्पन्न झाले. जिल्ह्यातील 646 संशयितांची कोरोना चाचणी करण्यात आली त्यातील 614 जणांचे अहवाल निगेटिव्ह आले आहेत तर 32 जणांचे अहवाल कोरोना पॉझिटिव्ह आले.
बाधित रुग्णांमध्ये अंबाजोगाई तालुक्यात 14, आष्टी 3, बीड 7, गेवराई 2, केज 1, परळी 3 आणि शिरुर तालुक्यातील 2 रुग्णांचा समावेश आहे. जिल्हा परिषदेचे मुख्य कार्यकारी अधिकारी अजित कुंभार यांनी ही माहिती दिली.