बीड । वार्ताहर

तालुक्यातील नवगण राजुरी येथून जवळच असलेल्या तिप्पटवाडी ग्रामपंचायत निवडणुकीत माजी मंत्री जयदत्त क्षीरसागर यांच्या मार्गदर्शनाखाली रामचंद्र महाराज ग्रामविकास पॅनेलचा दणदणीत विजय झाला असून ग्रामपंचायतवर माजी मंत्री जयदत्त क्षीरसागर यांनी वर्चस्व निर्माण केले आहे. विरोधी पॅनेलला केवळ 2 जागेवरच समाधान मानावे लागले.

नुकत्याच झालेल्या ग्रामपंचायत निवडणुकीत नवगण राजुरी जिल्हा परिषद गटातील वंजारवाडी ग्रामपंचायत माजी मंत्री जयदत्त क्षीरसागर यांच्या मार्गदर्शनाखाली आणि शिवसेनेचे जिल्हा सचिव वैजिनाथ तांदळे यांच्या नेतृत्वाखाली बिनविरोध झाली. सर्व सदस्य बिनविरोध निवडून आले तसेच काटवटवाडी ग्रामपंचायत निवडणुकीत माजी मंत्री जयदत्त क्षीरसागर गटाचे 4 सदस्य बिनविरोध निवडून आले. तिप्पटवाडी ग्रामपंचायत निवडणुकीत माजी मंत्री जयदत्त क्षीरसागर यांच्या मार्गदर्शनाखाली आणि वैजीनाथ तांदळे यांच्या नेतृत्वाखाली रामचंद्र महाराज ग्रामविकास पॅनालने दणदणीत विजय मिळवून सात पैकी पाच जागांवर भरघोस मते मिळवून जोरदार मुसंडी मारली. तिप्पटवाडी ग्रामपंचायत निवडणुकीत विजयी उमेदवार आणि त्यांना मिळालेली मते पुढीलप्रमाणे :- वार्ड क्र 1 मधून शिवाजी एकाळ 201 , सौ. कैकई दादाराव पवळ 213, ज्ञानदेव घिगे 197, वार्ड क्र 3 मधून विष्णू जाधव 220 , सौ. जनाबाई देवराव शेंडगे 203 हे विजयी झाले त्यांना सुरेश जाधव, बाबासाहेब शेंडगे, दादाराव तिपटे, सतीश तिपटे, श्रीराम शेंडगे, रामहरी चोरमले, खंडेराव तिपटे, सर्जेराव पवळ आदींनी सहकार्य केले.