गेवराई । वार्ताहर

शेतातील सामाईक रस्ता बंद का केला व तुझा भाऊ आमच्या शेतातून का गेला अशी विचारणा करणार्‍या एका वृध्दाचे तिघांनी दगड मारुन डोके फोडले. तालुक्यातील जयरामतांडा येथे मंगळवारी (दि.19) ही घटना घडली. 
बन्सी रुपला चव्हाण (65,रा.जयरामनाईक तांडा) असे जखमीचे नाव आहे. मंगळवारी पहाटे साडेसहाच्या सुमारास ते त्यांच्या शेताजवळ होते. यावेळी गावातीलच संतराम चव्हाण, भाऊ चव्हाण व काळू चव्हाण या तिघांना बन्सी यांनी शेतातील सामाईक रस्ता बंद का केला व तुझा भाऊ आमच्या शेतातून का गेला असे विचारले. यावरुन बन्सी चव्हाण यांच्या डोक्यात दगड मारुन त्यांना काठीने मारहाण झाली. या प्रकरणी तिघांवर गेवराई ठाण्यात गुन्हा नोंद झाला.