आष्टी ।  रघुनाथ कर्डीले

अहमदनगर-बीड महामार्गावर कडा येथील कर्डिले वस्ती जवळ सोमवारी (दि.18) रात्री आठ वाजण्याच्या सुमारास वर्‍हाडाची ट्रॅव्हल्स उलटली. या अपघातात वीस वर्‍हाडी गंभीर जखमी झाले. जखज्ञींना तातडीने आष्टी व कडा रुग्णालयात हलवण्यात आले.

कल्याण येथून जामखेड तालुक्यातील पिंपळगाव येथे लग्नासाठी वर्‍हाडी मंडळी बावधन ट्रॅव्हल्समधून(एम.एच.05 डी.के.6125) आले होते. सोमवारी दुपारचा लग्नाचा कार्यक्रम उरकुन परत कल्याणकडे जाताना रात्री आठ वाजता ट्रॅव्हल्स रस्त्यावर उलटली. या ट्रॅव्हल्सचे चारही चाके पूर्णपणे वरती झाल्याने हा राष्ट्रीय महामार्ग सुमारे दोन तासापासून बंद होता. अहमदनगरकडे व आष्टीकडे जाणारी पूर्ण वाहतूक यामुळे बंद झाली होती. या अपघातात ट्रॅव्हल्समधील विंघ्नेश श्रावण बनसोडे, महेर श्रावण बनसोडे, श्रवण बनसोडे, कवू भगवान कांबळे, चंची श्रावण बनसोडे, शशिकांत जाधव, विलास डाडर, राजाबाई डाडर, सुनील पवार, सुनीता जाधव, अजय जाधव, धोंडबाई जाधव, बाळू कसबे, विराज जाधव, पवन जाधव, कालिंद जाधव, अनिकेत जाधव, चालक, कनिराम राठोड व सुनील पवार यांचा समावेश आहे.जखमींना सरपंच  ढोबळे व ग्रामस्थांनी रुग्णालयात घेऊन जाण्यासाठी प्रयत्न केले.जखमी मध्ये लहान मुले व महिलांचा समावेश आहे.