बीड | वार्ताहर

 जिल्ह्यात आज शुक्रवारी (दि.8) कोरोनाचे नवे 41 रुग्ण निष्पन्न झाले आहेत. आता एकूण बाधितांची संख्या 17 हजार 39 एवढी झाली आहे. पैकी 16 हजार 162 कोरोनामुक्त झाले तर 539 जणांचा मृत्यू झाला आहे.

शुक्रवारी जिल्ह्यात 514 संशयितांची कोरोना चाचणी करण्यात आली. पैकी 473 निगेटिव्ह आले तर 41 पॉझिटिव्ह आढळले. यामध्ये अंबाजोगाई 7, आष्टी 3, बीड 16, धारुर, परळी, वडवणी तालुक्यात प्रत्येकी 1, गेवराई तालुक्यात 2, केज 6 तर पाटोदा तालुक्यातील 4 रुग्णांचा समावेश आहे. मुख्य कार्यकारी अधिकारी अजित कुंभार, जिल्हा आरोग्य अधिकारी डॉ. आर. बी. पवार, साथरोग अधिकारी डॉ.पी.के. पिंगळे यांनी ही माहिती दिली.आता जिल्ह्यात 295  रुग्णांवर उपचार सुरु आहेत.