बीड । वार्ताहर

जिल्ह्यात सोमवारी(दि.२८) कोरोनाचे २२ नवे रुग्ण निष्पन्न झाले. आता जिल्ह्यातील एकूण बाधितांचा आकडा १६ हजार ६६९ इतका झाला असून १५ हजार ८७१ जण कोरोनामुक्त झाले आहेत. जिल्ह्यात ५२६ जणांचा आतापर्यंत कोरोनाने बळी गेला आहे.

जिल्ह्यात मागील सहा दिवसांपासून कोरोना मृत्यूचे प्रमाण आटोक्यात आले आहे.शिवाय नव्याने निष्पन्न होणार्‍या रुग्ण संख्येतही घट झाली आहे. सोमवारी ४२४ जणांच्या कोरोना चाचण्या करण्यात आल्या. यापैकी ४०२ जणांचे अहवाल निगेटिव्ह आले असून  केवळ २२ जणांचे अहवाल पॉझिटिव्ह आले आहेत.

बाधितांमध्ये अंबाजोगाई २, आष्टी ४, बीड ७, गेवराई २, माजलगाव १, परळी ४, शिरूर व वडवणी तालुक्यातील प्रत्येकी १ रुग्णाचा समावेश आहे. जि.प.चे मुख्य कार्यकारी अजित कुंभार यांनी ही माहिती दिली.