बीड | वार्ताहर

जिल्ह्यात मागील तीन दिवसांपासून कोरोनाचे बळी थांबले आहेत. गुरुवारी (दि.२४) ६३४ जणांच्या चाचण्या करण्यात आल्या. यापैकी ५९९ जणांचे अहवाल निगेटिव्ह आले असून ३५ जणांचे अहवाल पॉझिटिव्ह आले. दरम्यान ३१ जण कोरोनामुक्त झाले.

 जिल्ह्यातील एकूण बाधितांचा आकडा १६ हजार ५६७ इतका झाला असून १५ हजार ७५६ जण कोरोनामुक्त झाले आहेत.५२६ जणांचा आतापर्यंत बळी गेला आहे. तीन दिवसांत एकही मृत्यू नसल्याने हा आकडा  स्थिर आहे. गुरुवारच्या बाधितांमध्ये अंबाजोगाई ४, आष्टी ८, बीड १७, धारुर व माजलगाव प्रत्येकी १ तर  परळी व वडवणी तालुक्यातील प्रत्येकी २ रुग्णांचा समावेश आहे. जि.प.चे मुख्य कार्यकारी अजित कुंभार यांनी ही माहिती दिली.