बीड । वार्ताहर

बीड जिल्ह्यात आज मंगळवारी (दि.१) कोरोनाचे ७३ नवे रुग्ण निष्पन्न झाले आहेत. जिल्ह्यात ८४१ जणांची कोरोना चाचणी केली गेली. यामध्ये, ७६८ जणांचे अहवाल निगेटिव्ह आले तर ७३ जण बाधित आढळून आले.

बाधित रुग्णांमध्ये अंबाजोगाई तालुक्यात १०, आष्टी तालुक्यात १६, बीड तालुक्यात १५, धारुर २,  गेवराई तालुक्यात ७, केज तालुक्यात ६, माजलगाव तालुक्यात ३, परळी तालुक्यात १० आणि वडवणी तालुक्यात ४ नव्या रुग्णांची भर पडली.

आत्तापर्यंत १०१ शिक्षक बाधीत

दरम्यान आजच्या ७३ नव्या रुग्णात ३ बाधित शिक्षकांचाही समावेश आहे. जिल्ह्यात आतापर्यंत ९४७२ शिक्षकांची कोरोना चाचणी करण्यात आली. त्यातील १०१ जणांचे रिपोर्ट पॉझिटिव्ह आले असून २२२ रिपोर्ट प्रलंबीत आहेत.  आता जिल्ह्यातील एकुण कोरोना बाधितांची संख्या १५ हजार ६९७ इतकी झाली आहे. यापैकी सोमवार अखेर पर्यंत १४ हजार ६३६ जणांनी कोरोनावर मात केली आहे तर ४९४ जणांचा  बळी गेला आहे.