बीड | वार्ताहर

बीड जिल्ह्यात आज शुक्रवारी आणखी 178 नवे कोरोनाग्रस्त रुग्ण वाढले आहेत. गुरुवारी तपासणीसाठी पाठवलेले 1497 अहवाल  शुक्रवारी दुपारी 2 वाजता आरोग्य विभागाला प्राप्त झाले. यात 178 जणांचे रिपोर्ट कोरोना पॉझिटिव्ह आले आहेत तर 1319 जणांचे रिपोर्ट निगेटिव्ह आले आहेत. 

बाधित रुग्णांमध्ये अंबाजोगाई 35, आष्टी 6, बीड 31, धारुर 13, गेवराई 15, केज 19, माजलगाव 11, परळी 27, पाटोदा 10, शिरुर 8 व वडवणी तालुक्यातील 3 जणांचा समावेश आहे. त्यामुळे आता एकुण रुग्ण संख्या 8 हजार 15 झाली आहे.जिल्ह्यात आतापर्यंत 228 रुग्णांचा मृत्यू झाला आहे, त्यामुळे कोरोनाची दहशत कायम आहे.