बीड । वार्ताहर

शहरातील झमझम कॉलनी आणि शहेनशाह नगर येथे कोरोना विषाणू बाधित रुग्ण  पॉझिटिव्ह आढळुन आले होते. त्यामुळे या परिसरात कन्टेनमेंट झोन संचारबंदी लागू करण्यात आली होती.  शासनाचे नियमानुसार येथील प्रक्रिया पूर्ण झालेली असल्याने त्या ठिकाणीचे प्रतिबंध शिथील करण्यात येत  असून परिस्थिती पूर्ववत करण्यात आली आहे असे आदेश जिल्हाधिकारी राहुल रेखावार यांनी दिले आहेत.

 याबाबत जिल्हा आरोग्य अधिकारी जिल्हा परिषद,बीड यांनी या प्रतिबंधात्मक कार्यक्षेत्रामध्ये मागील 14 दिवसात एकही कोविड-19 पॉझिटिव्ह रुग्ण आढळुन आला नाही असे कळविले आहे. यामुळे बीड शहरातील झमझम कॉलनी मधील  युनुस अत्तार  यांचे घर ते  मुस्ताक फारूकी गुलाब हखानी  यांच्या घरा पर्यंतचा परिसर आणि शहेनशाह नगर मधील रशीद इंजिनियर यांचे घर ते खालेद अब्दुल दाही यांच्या घरापर्यंतचा परिसर येथील कन्टेनमेंट झोन शिथील करण्यात येत आहे व परिस्थिती पूर्ववत करण्यात आली आहे असे आदेश दिले आहेत.