वडवणी । वार्ताहर 

माजलगाव विधानसभा मतदार संघातील वडवणी या तालुक्याच्या ठिकाणी रिपाइं (रामदास आठवले) गटाच्या मध्यवर्ती संपर्क कार्यालयाचे उद्घाटन नुकतेच युवक रिपाइं प्रदेशाध्यक्ष तथा बीड जिल्हा रिपाइं अध्यक्ष पप्पु कागदे यांच्या हस्ते संपन्न झाले.

माजलगाव विधानसभा मतदार संघातील वडवणी या तालुक्याच्या ठिकाणी केंद्रीय मंत्री रामदास आठवले गटाच्या रिपाइं मध्यवर्ती कार्यालयाचा शुभारंभ नुकताच युवक रिपाइं प्रदेशाध्यक्ष तथा बीड जिल्हा रिपाइं अध्यक्ष पप्पु कागदे यांच्या हस्ते फित कापून शुभारंभ करण्यात आला. यावेळी रिपाइं जिल्हा सरचिटणीस राजु जोगदंड, बीडचे रिपाइं तालुकाध्यक्ष किशन तांगडे यांच्या सह आदी उपस्थित होते.यावेळी बोलताना जिल्हाध्यक्ष पप्पु कागदे म्हणाले की,रिपाइं कार्यालय हे गोरगरिबांची मदत व सेवा करण्याचे केंद्र असावं. तालुका स्तरावरील कार्यकर्त्यांनी याची काळजी घ्यावी व आपल्या तालुक्यातील गोरगरीब, अनाथांना सदैव मदतीसाठी पुढे यावं अशा सुचना त्यांनी दिल्या.कार्यक्रम प्रसंगी वडवणी रिपाइं तालुकाध्यक्ष महादेव उजगरे यांच्या हस्ते उपस्थित मान्यवरांचा सत्कार करण्यात आला.यावेळी रिपाइं शहरध्यक्ष प्रकाश तागडे,रामभाऊ झोङगे,गलांडे सतिष उजगरे यांच्या सह अनेक कार्यकर्ते उपस्थित होते.