गेल्या दोन वर्षांमध्ये कोरोनाचे विविध व्हेरिएंट्स पहायला मिळाले. अशातच आता चीन, दक्षिण कोरिया आणि युरोपीय देशांमध्ये कोरोनाच्या रूग्णसंख्येत वाढ होताना दिसतेय. ओमायक्रॉनचा सबव्हेरिएंट BA2 मुळे कोरोना रूग्णांच्या संख्येत वाढ झाल्याचं दिसून आलं. परिणामी यामुळे कोरोनाच्या चौथ्या लाटेची भीती व्यक्त करण्यात येतेय. दरम्यान भारतात चौथी लाट कधी येणार यावर तज्ज्ञांनी मत व्यक्त केलं आहे.

एका वेबसाईटशी बोलताना तज्ज्ञ सुभाष साळुंखे म्हणाले, तिसऱ्या लाटेमध्ये देशातील नागरिकांची इम्युनिटी वाढली आहे. त्याचप्रमाणे देशातील अनेक राज्यांमध्ये लसीकरण मोहीम जोरात सुरु आहे. त्यामुळे अधिक चिंता करण्याची गरज नाही. 

चिंतेच कारण नसलं तरीही आपण बेजबाबदारपणे वागून चालणार नाही. कारण भारतात चौथी लाट येऊ शकते, जसं जगातील अनेक देशांमध्ये आली आहे. चौथी लाट नेमकी कधी येईल आणि ती किती तीव्र असेल याबाबत अजून कल्पना नसल्याचं, साळुंखे यांनी सांगितलं आहे.

मुंबईत वाढतायत कोरोनाचे रुग्ण

काेराेनाचा नवा विषाणू वेगाने पसरत असून आठवड्याला ८ ते १० टक्क्याने केसीस वाढत आहेत. त्यामुळे सतर्क राहण्याचे आवाहन राज्याच्या सार्वजनिक आरोग्य विभागाचे प्रधान सचिव प्रदीप व्यास यांन अधिकाऱ्यांना दिले आहेत. एक पत्रक व्यास यांनी जारी केले आहे.