बीड । वार्ताहर

जिल्ह्यात कोरोनाची रुग्णसंख्या पुन्हा एकदा पन्नासीच्या पुढे गेली आहे. आज शुक्रवारी (दि.26) जिल्ह्यात 51 नवे रुग्ण निष्पन्न झाले आहेत.तसेच 32 जण कोरोनामुक्त झाल्याने त्यांना रुग्णालयातून सुट्टी देण्यात आली. जिल्हा आरोग्य विभागाने ही माहिती दिली.

गुरुवारी जिल्ह्यात 872 संशयित रुग्णांची कोरोना चाचणी करण्यात आली. यात 821 जणांचे अहवाल निगेटिव्ह आले तर 51 अहवाल पॉझिटिव्ह आले आहेत. बाधित रुग्णांमध्ये अंबाजोगाई तालुक्यातील 9, आष्टी 5 , बीड 22, गेवराई, पाटोदा तालुक्यातील प्रत्येकी 1,केज, माजलगाव तालुक्यात प्रत्येकी 4, परळी तालुक्यात 2 आणि शिरूर तालुक्यातील 3 रुग्णाचा समावेश आहे. दरम्यान शुक्रवारी दिवसभरात 32 जण कोरोनामुक्त झाले त्यांना रुग्णालयातून सुटी देण्यात आली.आता जिल्ह्यातील एकूण बाधितांची संख्या 18 हजार 663 इतकी झाली आहेत.तर 17 हजार 770 जण कोरोनामुक्त झाले आहेत.577 जणांचा आतापर्यंत बळी गेला आहे.