केज । वार्ताहर

मुकादमासह इतर लोकांचे देणे चुकविण्यासाठी माहेरहून पैसे घेऊन ये या कारणावरुन विवाहितेला मारहाण केल्याची घटना ढाकेफळ येथे घडली. यावरुन बुधवारी सासरकडील सात जणांवर युसूफवडगाव ठाण्यात गुन्हा नोंद झाला.
रेखा बबन काळे (रा.ढाकेफळ) असे त्या विवाहितेचे नाव आहे. मुकादमासह इतर लोकांचे देणे देण्यासाठी आई-वडिलांकडून पैसे घेऊन ये, या कारणावरुन रेखा यांचा 26 मार्च 2020 पासून छळ सुरु होता. मारहाण करुन उपाशी ठेवल्याचेही फिर्यादीत नमूद आहे. या प्रकरणी पती बबन काळे, सासरा भागवत काळे, सासू शांताबाई काळे, दीर उध्दव काळे, जाऊ गीताबाई काळे, सखूबाई काळे, सुभाष काळे यांच्यावर युसूफवडगाव ठाण्यात गुन्हा नोंद करण्यात आला.