बीड । वार्ताहर

येथील सहयोग नगर मधील सर्वेश्वर गणपती मंदिरात शुक्रवारी (दि.15) श्रीराम जन्मभूमी तीर्थक्षेत्र नीधी संग्रह अभियानाची सुरुवात, प्रभू श्रीरामाच्या प्रतिमेचे पूजन, गीत ,भजन आणि फटाके वाजवून मोठ्या आनंदात, जल्लोषात सुरुवात झाली. यावेळी मोठ्या संख्येने महिला आणि युवा राम भक्तांची उपस्थिती होती. 

याप्रसंगी जेथळे दाम्पत्यांनी अकरा हजार रुपये मंदिरासाठी निधी समर्पण देऊन सुरुवात केली ,एका मुलीने खाऊसाठीचे दोन हजार रुपये तर भाजीविक्रेता महिलेने पाचशे रुपये अशी मोठ्या उत्साहात निधी संकलन कार्याला सुरुवात झाली. यावेळी शहर प्रमुख श्रीपाद सावंत नगर प्रमुख सुदर्शन बुंदेले,डॉ .पी.के.कुलकर्णी सह मोठ्या संख्येने राम भक्त,धर्मप्रेमी महिला, बंधू बांधव उपस्थित होते. दरम्यान आज शनिवार 16 जानेवारी रोजी भव्य शोभायात्रा श्री बालाजी मंदिर जुना मोंढा बीड येथून दुपारी चार वाजता निघणार आहे. सर्वांनी मोठ्या संख्येने यात सहभाग नोंदवावा व आपली राममसेवा, भक्ती जागृत करावी असे आवाहनही करण्यात आले आहे.