पत्नी व मुलगी गंभीर जखमी

आष्टी । वार्ताहर

आष्टी तालुक्यातील पोखरी गावाजवळ पिकअपच्या धडकेत दुचाकीवरील कानिफनाथ वांढरे (36) हे जागीच ठार झाल्याची घटना शुक्रवारी रात्री 11 च्या सुमारास घडली आहे. दुचाकीवर असलेल्या त्यांची पत्नी व मुलगी या गंभीर जखमी झाल्या आहेत. 
आष्टी तालुक्यातील पांढरी येथील कानिफनाथ वांढरे हे पोखरी येथे असलेल्या कुक्कुट पालनावर शुक्रवारी रात्री पत्नी सोनाली (वय 30) आणि मुलगी संस्कृती (वय 9) यांच्यासोबत दुचाकीवरून (एम.एच. 23 ए. पी.5180) ते गावाकडून पोखरी येथे जात होते.पोखरी गावाजवळ एका भरधाव पिकअपने (एम.एच.14 व्ही.9019 ) त्यांच्या दुचाकीला जोराची धडक दिली.यामध्ये कानिफनाथ वांढरे जागीच ठार झाले तर गंभीर जखमी सोनाली वांढरे व संस्कृती वांढरे यांना उपचारासाठी अहमदनगर येथे दाखल केले आहे.मयत कानिफनाथ वांढरे यांच्यावर पांढरी गावी दुपारी शोकाकुल वातावरणात अंत्यसंस्कार करण्यात आले.आष्टी पोलीस स्टेशनने पंचनामा करून पुढील तपास सहाय्यक पोलिस उपनिरीक्षक सोनाजी हंबर्डे, पो.कॉ. संजय गुजर हे करीत आहेत.