बीड । वार्ताहर

जिल्ह्यात आज शनिवारी (दि.९) कोरोनाचे नवे ३० रुग्ण निष्पन्न झाले तर १५ जण कोरोनामुक्त झाल्याने त्यांना रुग्णालयातून सुटी देण्यात आली. आता एकूण बाधितांची संख्या १७ हजार ६९ एवढी झाली आहे. पैकी १६ हजार २२७ कोरोनामुक्त झाले असून ५४० जणांचा मृत्यू झाला आहे. आता ३०२ रुग्णांवर उपचार सुरू आहेत.

शनिवारी सुदैवाने एकही मृत्यूची नोंद झाली नाही. तसेच जिल्ह्यात ५०५ संशयितांची कोरोना चाचणी करण्यात आली. पैकी ४७५ निगेटिव्ह आले तर ३० पॉझिटिव्ह आढळले. यामध्ये अंबाजोगाई ५, आष्टी ६, बीड १३, धारुर १,  केज ३ तर परळी तालुक्यातील २ रुग्णांचा समावेश आहे. मुख्य कार्यकारी अधिकारी अजित कुंभार, जिल्हा आरोग्य अधिकारी डॉ. आर. बी. पवार, साथरोग अधिकारी डॉ.पी.के. पिंगळे यांनी ही माहिती दिली.