बीड । वार्ताहर

जिल्ह्यात आज बुधवारी कोरोनाचे ३५ नवे रुग्ण आढळले. आता जिल्ह्यातील एकूण बाधितांची संख्या १६ हजार ७४७ एवढी झाली आहे. पैकी १५ हजार ९३५ जण कोरोनामुक्त झाले असून ५२९ जणांचा मृत्यू झाला आहे.

जिल्ह्यात कोरोनामुळे होणार्‍या मृत्यूला सहा दिवस ब्रेक लागल्यानंतर सोमवारपासून पुन्हा मृत्यू सत्र सुरू झाले. सोमवारी दोघांचा मृत्यू झाल्यानंतर मंगळवारी आष्टी तालुक्यातील जळगाव येथील ६० वर्षिय पुरूषाचा मृत्यू झाला. याची नोंद पोर्टलवर झाली आहे. तसेच बुधवारी ६७३ संशयितांच्या चाचणी करण्यात आल्या. यातील ६३८ जणांचा अहवाल निगेटिव्ह तर ३५ जण पॉझिटिव्ह आढळले. यात अंबाजोगाई ६, आष्टी २, बीड २३, तसेच गेवराई, केज, माजलगाव व परळी तालुक्यात येथे प्रत्येकी एक रुग्ण आढळला.  मुख्य कार्यकारी अधिकारी अजित कुंभार, जिल्हा आरोग्य अधिकारी डॉ.आर.बी.पवार, साथरोग अधिकारी डॉ.पी.के.पिंगळे यांनी ही माहिती दिली.