बीड । वार्ताहर

जिल्ह्यात आज सोमवारी (दि.14) सलग दुसर्‍या दिवशी कोरोनाचा एकही मृत्यूची नोंद झाली नाही. दरम्यान, 34 नवे रुग्ण आढळून आले.  जिल्हा परिषदेचे सीईओ अजित कुंभार, जिल्हा आरोग्य अधिकारी डॉ.आर.बी.पवार यांनी ही माहिती दिली.
सोमवारी 468 जणांची कोरोना चाचणी केली गेली. यामध्ये 434 जणांचा अहवाल निगेटिव्ह आला तर 34 नवे रुग्ण आढळून आले. बाधितांमध्ये, अंबाजोगाई तालुक्यातील 10, आष्टी 3, बीड 9, माजलगाव 7 धारुर,केज, परळी,पाटोदा व शिरुरकासार या पाच तालुक्यात प्रत्येकी 1 रुग्णाचा समावेश आहे.दरम्यान, जिल्ह्यातील एकूण बाधितांची संख्या 16 हजार 176 इतकी झाली आहे तर, आतापर्यंत 15 हजार 286 जणांनी कोरोनावर मात केली आहे. 512 जणांचा मृत्यू झाला आहे.