बीड । वार्ताहर

जिल्ह्यात रविवारी (दि.13) कोरोनाचे नवे 27 रुग्ण निष्पन्न झाले आहेत. जिल्ह्यातील 522 संशयितांच्या कोरोना चाचण्या करण्यात आल्या. यातील 495 जणांचे अहवाल निगेटिव्ह आले आहेत. जिल्हा आरोग्य विभागाने ही माहिती दिली.
आता जिल्ह्यातील एकुण बाधितांची संख्या 16 हजार 142 झाली आहे. यापैकी शुक्रवारअखेरपर्यंत 15 हजार 181 जण कोरोनामुक्त झाले आहेत तर 512 रुग्णांचा मृत्यू झालेला आहे.तसेच 37 जण कोरोनामुक्त झाले. सुदैवाने शनिवारी एकाही मृत्यूची नोंद झाली नाही. आतापर्यंत जिल्ह्यात 16 हजार 142 कोरोनाबाधित रुग्ण आढळले आहेत. पैकी 15 हजार 271 कोरोनामुक्त झाले असून आजपर्यंत 512 जणांचा मृत्यू झाला असून आता 449 रुग्णांवर उपचार सुरु आहेत.
रविवारच्या बाधितांमध्ये अंबाजोगाई 6 , आष्टी 4, बीड 6, गेवराई 1, केज 1, माजलगाव 5, परळी 2, पाटोदा तालुक्यात 2 जणांचा समावेश आहे. दरम्यान जिल्ह्यात 18 नोव्हेंबरपासून 10 हजार 741 शिक्षकांची कोरोना चाचणी करण्यात आली. यातील 116 जणांचे अहवाल कोरोना पॉझिटिव्ह आले तर 29 अहवाल प्रलंबित आहेत.