बीड । वार्ताहर
जिल्ह्यात शनिवारी (दि.12) कोरोनाचे नवे 53 रुग्ण निष्पन्न झाले आहेत. जिल्ह्यातील 593 संशयितांच्या कोरोना चाचण्या करण्यात आल्या. यातील 540 जणांचे अहवाल निगेटिव्ह आले आहेत. जिल्हा आरोग्य विभागाने ही माहिती दिली. आता जिल्ह्यातील एकुण बाधितांची संख्या 16 हजार 115 झाली आहे. यापैकी शुक्रवारअखेरपर्यंत 15 हजार 181 जण कोरोनामुक्त झाले आहेत तर 512 रुग्णांचा मृत्यू झालेला आहे.
शनिवारच्या बाधितांमध्ये अंबाजोगाई 10, आष्टी 13, बीड 15, धारुर 1, गेवराई 2, केज 4, माजलगाव 4, परळी, पाटोदा तालुक्यात प्रत्येकी 1 तर शिरुरकासार तालुक्यातील 2 जणांचा समावेश आहे. दरम्यान जिल्ह्यात 18 नोव्हेंबरपासून 10 हजार 741 शिक्षकांची कोरोना चाचणी करण्यात आली. यातील 116 जणांचे अहवाल कोरोना पॉझिटिव्ह आले तर 29 अहवाल प्रलंबित आहेत.