बीड । वार्ताहर

बीड जिल्ह्यात कोरोनाच्या नव्या रुग्णात आज सोमवारी (दि.30) घट झाली आहे. दिवसभरात 932 जणांची कोरोना चाचणी केली गेली.यामध्ये, 887 जणांचे अहवाल निगेटिव्ह आले तर 45 जणांचे पॉझिटिव्ह आले. 

बाधित रुग्णांमध्ये अंबाजोगाई तालुक्यात 7, आष्टी 4, बीड 7, केज 3, गेवराई 2, माजलगाव 6, परळी 9 आणि  वडवणी तालुक्यातील 7 जणांचा समावेश आहे.दरम्यान जिल्ह्यात कोरोनाने रविवारी (दि.29) आणखी तीन रुग्णांचा मृत्यू झाला तर 64 जणांनी दिवसभरात कोरोनावर मात केली आहे जिल्ह्यातील एकूण बाधितांचा आकडा 15 हजार 624 इतका झाला आहे तर, 14 हजार 581 जणांनी कोरोनावर मात केली आहे. आतापर्यंत 494 जणांचा कोरोनामुळे बळी गेला आहे.