बीड । वार्ताहर      

जिल्ह्याची चिंता वाढली

जिल्ह्यात दिवसागणीक कोरोना बाधीत रूग्णांची संख्या वेगाने वाढू लागली आहे. अंबाजोगाई, बीड, परळी, माजलगाव या शहरात व तालुक्यातही नव्याने बाधीत रूग्ण निष्पन्न होवू लागले आहेत. रविवारी (दि.13) जिल्ह्यात 294 बाधीत रूग्ण निष्पन्न झाले आहेत. जिल्ह्यात एकूण 1415 स्वॅब तपासण्यात आले. पैकी 1121 जणांचे स्वॅब कोरोना निगेटिव्ह आले आहेत. त्यामुळे आता जिल्ह्यातील एकूण कोरोनाबाधीत रूग्णांची संख्या 6791 झाली आहे.

बाधीत रूग्णांमध्ये अंबाजोगाई तालुक्यात 42, आष्टी 19, बीड 36, धारूर 26, गेवराई 18, केज 21, माजलगाव 29, परळी 45, पाटोदा 20, शिरूर 12 आणि वडवणी तालुक्यात 26 जणांचा समावेश आहे. जिल्ह्यात आजपर्यंतच्या एकूण कोरोनाबाधीतांची संख्या 6791 इतकी झाली असून यापैकी 199 रूग्णांचा उपचारादरम्यान मृत्यू झाला आहे तर आता 2059 रूग्णांवर उपचार सुरू आहेत.