बीड । वार्ताहर

जिल्ह्यात कोरोनाग्रस्त रुग्णांची संख्या वाढतच चालली आहे. शनिवारी (दि.5) आणखी 110 कोरोना बाधित रुग्ण निष्पन्न झाले.  आता एकुण बाधित रुग्णांची संख्या 5219 वर पोहचली आहे.

शनिवारी जिल्ह्यात एकुण 1086 स्वॅब तपासणीला पाठवण्यात आले. पैकी 110 रिपोर्ट पॉझिटिव्ह तर 976 रिपोर्ट निगेटिव्ह आले. त्यामुळे 24 तासातील एकुण बाधित रुग्णांची संख्या 286 झाली आहे. शनिवारच्या बाधित रुग्णांमध्ये  अंबाजोगाई तालुक्यात 27, आष्टी 21, बीड 25, धारुर 5, गेवराई 8, केज 3, माजलगाव 5, परळी 3, पाटोदा 4, शिरुरकासार 2 व वडवणी तालुक्यातील 7 रुग्णांचा समावेश आहे.

1253 रुग्णांवर उपचार सुरु

जिल्ह्यात आतापर्यंत एकुण कोरोना बाधित रुग्णांची संख्या 5 हजार 219 झाली असून यापैकी 140 रुग्णांचा मृत्यू झाला आहे तर 3 हजार 826 रुग्ण कोरोनामुक्त होवून घरी परतले आहेत, त्यामुळे आता 1 हजार 253 रुग्णांवर उपचार सुरु आहेत.
------------