परळी, बीडमधील कोरोनाची साखळी तुटेना

बीड | वार्ताहर

बीड जिल्ह्यात कोरोना बाधीत रुग्णांची आकडेवारी वाढत चालली आहे.काल शनिवारी रात्री उशिरा 83 बाधीत रुग्ण निष्पन्न झाल्यानंतर आता आज रविवारी (दि.2)आणखी 38 नवे कोरोना बाधीत रुग्ण निष्पन्न झाले आहेत.

जिल्हा आरोग्य विभागाने दिलेल्या माहितीनुसार, बीड शहरातील 12, परळी 17, केज 3, अंबाजोगाई 2, गेवराई 2 तर माजलगाव आणि धारूर शहरात प्रत्येकी 1 कोरोना बाधीत रुग्ण निष्पन्न झाला आहे. आता या सर्व रुग्णांवर जिल्ह्यात उपचार सुरू करण्यात आले आहेत. दरम्यान जिल्ह्यातील आजपर्यंतच्या एकूण कोरोना बाधीत रुग्णांची संख्या आता 905 इतकी झाली असून पैकी निम्म्याहून अधिक रुग्ण कोरोनामुक्त झाले आहेत तर 34 रुग्णांचा मृत्यू झालेला आहे.