बीडमध्ये पुन्हा 5 तर परळीत 6 रुग्ण वाढले

बीड । वार्ताहर

जिल्ह्यात कोरोनाचा संसर्ग वेगाने होवू लागला आहे. गुरुवारी (दि.23) रात्री आणखी 16 कोरोना बाधित रुग्ण निष्पन्न झाले आहेत. बीड शहरात 5 तर परळीत 6 रुग्ण वाढले असून गेवराई,अंबाजोगाईत प्रत्येकी 2 तर धारुरमध्ये 1 रुग्ण कोरोना बाधित निष्पन्न झाला आहे.

बाधित रुग्णांमध्ये बीडमधील सावतामाळी चौकातील 35 वर्षिय महिला, माळी गल्लीतील 24 वर्षीय महिला, वीरशिव कॉलनी, पेठ बीड येथील 32 वर्षीय पुरुष, फुलाई नगर, सुवर्णनगरी येथील 48 वर्षीय पुरुष, आनंद नगर,धानोरा रोड येथील 35 वर्षिय महिला तर परळी तालुक्यातील धर्मापूरी येथील 65 वर्षीय पुरुष 10 वर्षीय मुलगा, 75 वर्षीय महिला, 60 वर्षीय पुरुष आणि 35 वर्षीय महिला तर परळी शहरातील पद्मावती कॉलनीतील 40 वर्षीय पुरुष, अंबाजोगाई येथील गौड गल्लीतील 24 वर्षीय महिला, आणि पळस निवासस्थान येथील 29 वर्षीय महिला तर गेवराईतील रंगार चौक भागातील 45 वर्षीय पुरुष आणि संभाजी चौक भागातील 35 वर्षीय पुरुष तसेच धारुरमधील अयोध्यानगरमधील 73 वर्षीय पुरुष यांचा बाधित रुग्णात समावेश आहे. दरम्यान आता जिल्ह्यातील एकुण कोरोना बाधित रुग्णांची संख्या 467 इतकी झाली असून पैकी 225 रुग्णांना डिस्चार्ज देण्यात आला आहे. आता 218 रुग्णांवर उपचार सुरु आहेत.