गुन्हे शाखेची कारवाईे;पिकअपसह गुटखा जप्त

माजलगाव । वार्ताहर

 येथील संभाजी चौकात स्थानिक गुन्हे शाखेच्या विशेष पथकाने   गुटख्याची वाहतूक करणारे एक पिकअप वाहन ताब्यात घेतले. गढी-माजलगाव रस्त्यावरुन पोलीसांनी या वाहनाचा पाठलाग केला. कारवाईत   विक्रीस बंदी असलेला 8 लाखाचा गुटखा जप्त करण्यात आला. मंगळवारी (दि.14) रात्री 12 वाजेच्या सुमारास ही कारवाई करण्यात आली. 

माजलगाव-गढी रस्त्यावर पिकअपमधून क्र.(एम.एच. 44-9301 ) गुटख्याची वाहतूक होत असल्याची माहिती गुन्हे शाखेेच्या विशेष पथकाला मिळाली होती.यावरून पथकाने सदरील वाहनाचा त्या  पाठलाग सुरु केला. नंतर माजलगाव येथील संभाजी चौकात पिकअप ताब्यात घेतला. वाहनाची तपासणी केली असता त्यात 6 लाख 58 हजार 944 रुपयांचा राजनिवास गुटखा, 1 लाख 64 हजार 736 रुपयांचा जाफरणी जर्दा आढळून आला. पीकअपसह गुटखा असा एकुण 14 लाख 23 हजार 680 रुपयांचा मुद्देमाल पोलीसांनी जप्त केला. ही  कारवाई पोलीस अधीक्षक हर्ष पोद्दार, अप्पर अधीक्षक विजय कबाडे,  स्थानिक गुन्हे शाखेचे  निरीक्षक भारत राऊत यांच्या मार्गदर्शनाखाली पथक प्रमुख सहाय्यक निरीक्षक आनंद कांगुणे यांच्यासह कर्मचार्‍यांनी केली.