बीड | वार्ताहर

आष्टी तालुक्यातील कारखेल येथील एक कोरोना बाधीत रुग्ण अहमदनगर जिल्हा रुग्णालयात कोरोना पॉझिटिव्ह आढळून आला आहे.त्यामुळे कोरोनाचा प्रादुर्भाव होऊ नये  म्हणून आष्टी तालुक्यातील कारखेल, बरडेवस्ती या ठिकाणी जिल्हाधिकारी राहुल रेखावार यांच्या आदेशानुसार शनिवारी (दि.4) कंटेटमेंट झोन घोषित करण्यात आला आहे. पुढील अनिश्चित कालावधीसाठी या ठिकाणी पूर्णवेळ संचारबंदी लागू करण्यात आली आहे.

याबरोबरच पाटोदा तालुक्यातील येवलेवाडी येथील एक रुग्ण पुणे येथील ज्युपिटर हॉस्पिटलमध्ये कोरोना बाधीत निष्पन्न झाला आहे. त्यामुळे प्रतिबंधात्मक उपाययोजना म्हणून पाटोदा  तालुक्यातील येवलेवाडी, टेकाळेवस्ती व नेमानेवस्ती हा परिसर  कंटेटमेंट झोन घोषित करत जिल्हाधिकारी यांनी पुढील अनिश्चित कालावधीसाठी या ठिकाणी पूर्णवेळ संचारबंदी लागू केली आहे.