लॉकडाऊनमध्ये बर्थ-डे पार्टी; भाजप नगरसेवकास अटक
नवी मुंबई: देशभरात लॉकडाऊन असताना व सोशल डिस्टन्सिंगचे नियम पाळण्याचं आवाहन राज्य सरकारकडून सातत्यानं केलं जात असतानाही अनेक ठिकाणी याचं सर्रास उल्लंघन होताना दिसत आहे. लोकप्रतिनिधीही यात मागे नाहीत. लॉकडाऊनचं उल्लंघन करून मित्रांसोबत वाढदिवस साजरा करणारे पनवेलमधील भाजप नगरसेवक अजय बहिरा यांना अटक करण्यात आली आहे.
करोना संसर्गाच्या पार्श्वभूमीवर देशभरात पुकारण्यात आलेल्या लॉकडाऊनचं उल्लंघन करून आपल्या मित्रांसोबत बर्थ-डे पार्टी करणारे भाजपचे पनवेलचे नगरसेवक अजय बहिरा यांना पनवेल पोलिसांनी अटक केली आहे. त्यांच्यासोबत त्यांच्या अन्य मित्रांवरही कारवाई करण्यात आली आहे.