पुणे: पुण्यात गेल्या २४ तासांत करोनामुळे दोघांचा मृत्यू झाला असून त्यामुळे पुण्यात खळबळ उडाली आहे. मृतांमध्ये एका वयोवृद्ध महिलेचा आणि एका ४८ वर्षीय व्यक्तीचा समावेश आहे. या दोघांच्या मृत्यूमुळे शहरातील मृतांची संख्या चारवर पोहोचली असून राज्यातील मृतांचा आकडा ३४वर पोहोचला आहे.

पुण्यात काल रात्री उशिरा एका ४८ वर्षीय व्यक्तीचा मृत्यू झाला आहे. या व्यक्तीचा ससून रुग्णालयात मृत्यू झाला. त्याचा स्वॅब रिपोर्ट रात्री उशिरा आल्यानंतर त्याला करोनाची लागण झाल्याचं निदान झालं, असं सूत्रांनी सांगितलं.