शिवाजीनगर पोलीस ठाणे हद्दीतील घटना 

बीड | वार्ताहर

शहरातील पिंपरगव्हाण रोडवरील विश्वेश्वर कॉलनीत राहणार्‍या एका वृद्ध महिलेला दोन अनोळखी चोरट्यांनी जखमी करत गळ्यातील सोन्याचे दोन मंगळसुत्र व चांदीचे दागिने असा ७३ हजारांचा ऐवज लंपास केला. ही खळबळजनक घटना १४ सप्टेंबर रोजी दुपारी १.३० वाजेच्या सुमारास घडली.

महानंदा नवनाथ नवसे (६५) असे त्या महिलेचे नाव आहे. दुपारी त्या घराजवळ असतांना दोन अनोळखी चोरट्यांनी महानंदा यांना जखमी करत त्यांच्या गळ्यातील सोन्याचे ५२ हजार ५०० रुपये व १७ हजार ५०० रुपये किंमतीचे दोन मंगळसुत्र व ३ हजार रुपये किंमतीचा चांदीचा वेल असा एकूण ७३ हजारांचा ऐवज हातोहात लांबवला. भयभीत झालेल्या महिलेने शिवाजीनगर ठाणे गाठून फिर्याद नोंदवली. अज्ञात दोघांवर गुन्हा दाखल झाला असून उपनिरीक्षक शेजुळ पुढील तपास करत आहेत.