कोरोनाने दोघांचा मृत्यू ; ५५ नवे रुग्ण, ५३ कोरोनामुक्त 

बीड | वार्ताहर

जिल्ह्यात कोरोना रुग्णांची संख्या आटोक्यात येत असली तरी मृत्यूसत्र मात्र कायम आहे. शनिवारी दोघांच्या मृत्यूची नोंद आरोग्य विभागाच्या पोर्टलवर झाली. फिवसभरात नवे ५५ रुग्ण आढळून आले तर ५३ जण कोरोनामुक्त झाले.

जिल्ह्यात कोरोना बाधितांची संख्या शंभरी खाली आल्याने तिसर्‍या लाटेची शक्यता धुसर झाली आहे. शुक्रवारी जिल्ह्यातील २ हजार ३६८ जणांची तपासणी करण्यात आली. त्याचे अहवाल शनिवारी मिळाले. यात २ हजार ३१३ निगेटिव्ह तर ५५ जणांचे अहवाल पॉझिटिव्ह आले. बाधितांमध्ये अंबाजोगाई तालुक्यात ५, आष्टी १९, बीड ४, धारुर ४, गेवराई २, केज ९, माजलगाव २, परळी २, पाटोदा ३, शिरुर १ व वडवणी तालुक्यातील ४ जणांचा समावेश आहे. तसेच दोन रुग्णांच्या मृ़त्यूची नोंद आरोग्य विभागाच्या पोर्टलवर झाली. 

आता जिल्ह्यातील एकूण बाधितांची संख्या १ लाख १ हजार ८९४ इतकी झाली असून पैकी ९८ हजार ६४८ जण कोरोनामुक्त झाले आहेत. २ हजार ७२९ जणांचा बळी गेला आहे. सध्या ५१७ रुग्ण उपचाराखाली आहेत.