दुपारी दोन वाजता विधानसभेत सादर करणार 

गेल्या वर्षी अर्थमंत्री अजित पवार यांनी महाविकास आघाडीचा 9 हजार 500 कोटींचा तुटीचा अर्थसंकल्प मांडला होता. कोरोनाचे संकट, कर्जाचा बोझा, सरकारी तिजोरीतील खडखडाट, कर न वाढवता महसुली तूट कशी भरून काढण्याचं आव्हान अर्थमंत्र्यांपुढे असणार आहे. त्यातच जनतेलाही या अर्थसंकल्पाकडून बऱ्याच अपेक्षा असल्याने त्यांना ते कसा आणि काय दिलासा देणार याकडेही सगळ्यांचेच लक्ष लागलेले आहे. राज्य सरकार अर्थसंकल्पात पेट्रोल आणि डिझेलवरील कर काही प्रमाणात कमी करून राज्यातील जनतेला दिलासा सरकार देणार का, हे पाहणं महत्वाचं ठरणार आहे.

अर्थसंकल्पीय अधिवेशनात उपमुख्यमंत्री व अर्थमंत्री अजित पवार यांनी जनतेला महागाईपासून दिलासा मिळणार असल्याचे सांगितले होते. त्यामुळे आता अजित पवार नागरिकांना दिलासा देणाऱ्या कोणत्या घोषणा करणार यावरही साऱ्यांचे लक्षकेंद्रित झाले आहे. राज्याचे अर्थमंत्री व उपमुख्यमंत्री अजित पवार अधिवेशनात विधानसभेत अर्थसंकल्प सादर करतील तर वित्त राज्यमंत्री शंभूराज देसाई विधान परिषदेत अर्थसंकल्प सादर करतील.