बीड  । वार्ताहर

श्री श्री राधा गोविंद मंदिर इस्कॉनचे वतीने श्रीकृष्ण जन्माष्टमीनिमित्त दि.19 ते 25 ऑगस्ट 2024 या दरम्यान श्रीकृष्णकथेचे आयोजन केलेले आहे. कथेची वेळ सायंकाळी 4 ते 7 पर्यंत असणार आहे. सदरील कथेचे कथा प्रवक्ते इस्कॉनचे वरिष्ठ भक्त श्रीमान भगवान प्रभुजी पुणे आणि श्रीमान गोपती प्रभुजी हे राहणार आहेत.

दि.26 ऑगस्ट 2024 सोमवार रोजी श्रीकृष्ण जन्माष्टमीनिमित्त सायंकाळी 6 ते रात्री 12 पर्यंत भजन, कीर्तन, प्रवचन, अभिषेक, सांस्कृतिक कार्यक्रम, महाप्रसादाचे आयोजन केलेले आहे. तर दि 27 ऑगस्ट मंगळवार रोजी नंदउत्सव व श्री प्रभुपाद अर्विभाव दिनानिमित्त सकाळी 9.30 ते दुपारी 12:30 पर्यंत भजन, कीर्तन, महाअभिषेकाचे आयोजन करण्यात आले आहे. तसेच दुपारी 1 ते 3 पर्यंत महाप्रसादाचे आयोजन करण्यात आलेले आहे. सर्व बीड जिल्हावासीयांनी वरील सर्व आध्यात्मिक कार्यक्रमाचा लाभ घेऊन श्री श्री राधा गोविंदांचे आशीर्वाद प्राप्त करावेत असे आव्हान इस्कॉन बीडतर्फे करण्यात आले आहे.