गेवराई | वार्ताहर

शहरातील वेल्डींग वर्कशॉप या दुकानाचे शटर लोखंडी टांबीने उचकटून चोरट्यांनी वेल्डींगचे मशीन व इतर साहित्य लंपास केले. 12 ते 13 सप्टेंबरच्या मध्यरात्री ही घटना घडली.

गेवराई येथील मेराजनगर येथील मुज्जफर शफीयोद्दीन पटेल यांचे वेल्डींगचे दुकान आहे. चोरट्यांनी या दुकानाचे शटर उचकटून आत प्रवेश केला. नंतर वेल्डींगची मशीन व कटर मशीन तसेच ड्रील मशीन, सिलेंडर गॅस टाकी व वेल्डींग केबलसह ग्रेडर मशीन असा 48 हजाराचा मुद्देमाल लंपास केला. 14 सप्टेंबर रोजी मुज्जफर पटेल यांच्या फिर्यादीवरुन अज्ञाताविरुद्ध गेवराई ठाण्यात गुन्हा दाखल झाला.आता पोलीस अधिक तपास करत आहेत.