आष्टी | रघुनाथ कर्डीले

भरधाव वेगात असलेली कार आणि पिकअपची समोरासमोर धडक होऊन झालेल्या भीषण अपघातात  महावितरण कंपनीतील सेवानिवृत झालेले कर्मचारी नारायण बोराटे (रा.आष्टी) यांचे चिरंजीव आष्टीचे डाॕ.व्यंकटेश बोराटे हे जागीच ठार तर चार जण गंभीर जखमी झाले आहेत. हा अपघात बुधवारी (दि.१५) पहाटे अहमदनगर- बीड राज्यमहामार्गावर  वाघळूज घाटात झाला.

 अहमदनगरवरून कड्याकडे येणारी पिकअप व कार यांची समोरासमोर धडक झाली.ही धडक इतकी भयानक होती की,कारचा चक्काचूर झाला. यात कारमधील डॉ.व्यंकटेश नारायण बोराटे (रा.आष्टी) जागीच ठार झाले तर पिकअपमधील चार जण गंभीर जखमी झाले. जखमींवर अहमदनगर येथील रूग्णालयात उपचार सुरू आहेत.

वाघळूज घाटात अहमदनगरकडे जाणारी कार आणि अहमदनगरकडून येणारा पिकअप टेम्पो यांची समोरासमोर धडक झाली.घटनेची माहिती अंभोरा पोलिसांना मिळताच पोलिसांनी घटनास्थळी धाव घेऊन जखमींना अहमदनगर येथे हलविले असल्याची माहिती अंभोरा पोलीस ठाण्याचे सहायक पोलीस निरीक्षक रोहित बेंबरे यांनी दिली.