जिल्ह्यात आठ रुग्णालयात ११३८ बेड उपलब्ध

जिल्ह्यात ५३ नवे रुग्ण, २७ कोरोनामुक्त

बीड । वार्ताहर

जिल्ह्यात रविवारी (२१) कोरोनाचे ५३ नवे रूग्ण आढळले तर २७ जणांनी कोरोनावर मात केली. त्यांना रूग्णालयातून सुटी देण्यात आली.

रविवारी दिवसभरात ४१९ संशयितांची कोरोना चाचणी करण्यात आली.यातील ३६६ नागरिकांचे अहवाल निगेटिव्ह आले तर ५३ पॉझिटिव्ह आले. यात अंबाजोगाई १९, बीड १६, शिरूरकासार ६, परळी ५, केज ३ तसेच आष्टी, धारूर, गेवराई, पाटोदा तालुक्यातील प्रत्येकी १ रुग्णांचा समावेश आहे. तसेच रविवारी २७ जण कोरोनामुक्त झाले.आता जिल्ह्यातील एकूण बाधितांची संख्या १८ हजार ४१६ एवढी झाली आहे. पैकी १७ हजार ५४५ जण कोरोनामुक्त झाले तर ५७३ जणांचा मृत्यू झाला आहे.

जिल्ह्यात आजपर्यंत २ लाख ८ हजार ४४९ सशयितांची कोरोना चाचणी करण्यात आली, पैकी १ लाख ९० हजार ३३ जणांचे अहवाल कोरोना निगेटिव्ह आलेले आहेत.जिल्हा परिषदेचे मुख्य कार्यकारी अधिकारी अजित कुंभार व जिल्हा साथरोग अधिकारी डॉ.पी.के.पिंगळे यांनी ही माहिती दिली.