संयुक्त अरब अमिरात...म्हणजेच यूएई. मध्यपूर्वेतील याच संपन्न देशात शनिवारपासून (19 सप्टेंबर) पुढचे जवळपास दोन महिने यंदाच्या आयपीएलचा महासोहळा रंगणार आहे.

खरंतर दरवर्षीप्रमाणे मार्च ते मेदरम्यान आयपीएल खेळवली जाणार होती. पण भारतात कोरोनाचा प्रभाव वाढला आणि ही स्पर्धा देशाबाहेर खेळवण्याच्या चर्चा सुरु झाल्या. त्यासाठी श्रीलंका, दक्षिण आफ्रिका यांसारखे पर्यायही समोर आले. पण अखेर कोरोनाचा कमीतकमी प्रभाव असलेल्या यूएईत आयपीएलच्या तेराव्या मोसमाचं आयोजन करण्याचं बीसीसीआयने पक्क केलं.

यूएईची राजधानी अबुधाबी, दुबई आणि शारजाह या तीन महत्त्वाच्या शहरांमध्ये आयपीएलचं हे युद्ध रंगणार आहे.

पाहूया कोणत्या स्टेडियम्सवर आयपीएलचे सामने खेळवले जाणार

दुबई आंतरराष्ट्रीय क्रिकेट स्टेडियम

दुबईतल्या या नव्या स्टेडियमवर आयपीएलच्या 56 साखळी सामन्यांपैकी सर्वाधिक 24 सामने खेळवण्यात येणार आहेत. त्यासोबतच अंतिम सामनाही याच स्टेडियमवर खेळवण्यात येण्याची शक्यता आहे.

शेख झायेद स्टेडियम, अबुधाबी

यंदाच्या आयपीएलचा उद्घाटनाचा सामना अबुधाबीतल्या शेख झायेद स्टेडियमवर पार पडणार आहे. यासह एकूण 20 साखळी सामने या स्टेडियमवर खेळवण्यात येणार आहेत.

शारजाह क्रिकेट स्टेडियम

यूएईतलं सर्वात जुनं स्टेडियम असलेलं शारजाह क्रिकेट स्टेडियम हे यंदाच्या आयपीएल सामन्यांसाठीचं तिसरं ठिकाण आहे. याठिकाणी 12 साखळी सामने खेळवले जाणार आहेत.

आयपीएलचं आयोजन देशाबाहेर करण्याची ही आजवरची तिसरी वेळ आहे. याआधी लोकसभा निवडणुकांमुळे 2009 साली दक्षिण आफ्रिकेत तर 2014 साली दुबईतच आयपीएलचा सोहळा रंगला होता.

आयपीएलवर कोरोनाचा प्रभाव

आयपीएल म्हटलं की प्रेक्षकांनी भरलेली स्टेडियम्स, 40-50 हजार प्रेक्षकांचा तो जल्लोष, फलंदाजांच्या चौकार-षटकारानंतर स्टेडियममध्ये घुमणारा आवाज... हे सगळं दरवर्षी आपण पाहतो. पण यंदा ते वातावरण आपल्याला दिसणार नाही आणि याचं कारण अर्थातच कोरोना

कोरोनामुळे यंदाचं आयपीएल बंद दाराआड म्हणजेच रिकाम्या स्टेडियम्समध्ये खेळवलं जाणार आहे. कोरोनाच्या या वातावरणाचा परिणाम संघांच्या तयारीवरही दिसून येतोय. स्पर्धेदरम्यान एखाद्या खेळाडूला कोरोनाची लागण झाल्यास त्याचा फटका संपूर्ण संघाला बसू शकतो. यासाठी बायो सिक्युअर बबलसारख्या सुरक्षेच्या उपाययोजना बीसीसीआयकडून राबवण्यात येत आहेत.

एकूणच यंदाचं आयपीएल खास असणार आहे. कोरोनाचं संकट, त्यामुळे स्पर्धेचं बदललेलं वेळापत्रक, खेळाडूंची सुरक्षितता या सगळ्या बाबी आय़पीएलच्या दृष्टीने तितक्याच महत्त्वाच्या ठरणार आहेत. त्यामुळे आयपीएलचा हा तेरावा मोसम कसा पार पडतो याचीच आता उत्सुकता आहे.

'या' संघाला बुकींची पसंती; जाणून घ्या कोणत्या संघावर कितींचा सट्टा

शनिवारपासून म्हणजेच १९ सप्टेंबरपासून IPL 2020 आयपीएल या क्रिकेट स्पर्धेला पुन्हा एकदा मोठ्या उत्साहात सुरुवात होत आहे. कोरोना व्हायरसचं सावट असल्यामुळं यंदाच्या वर्षी काही महिने उशिरानं का असेना, पण आयपीएलचं नवं पर्व सुरु होणार आहे. त्यासोबतच सुरुवात होणार आहे ती म्हणजे सट्टाबाजाराला. 

सूत्रांनी दिलेल्या माहितीनुसार सध्याच्या घडीला मुंबईच्या संघाला सट्टेबाजांची, बुकींची विशेष पसंती आहे. त्यांच्यावर ४.९० रुपये इतका भाव लावण्यात आला आहे. मुंबई मागोमाग हैदराबादच्या संघाला बुकींकडून पसंती दिली जात असल्याचं कळत आहे. 

युएईमध्ये होणाऱ्या आयपीएल क्रिकेट सामन्यांच्या शुभारंभाच्या काही तास आधीच गुरुग्राम पोलिसांनी त्यांची इंटेलिजंट विंग, क्राईम ब्रांचचा एक चमू आणि सर्व जिल्ह्यांतील स्टेशन ऑफिसर यांना सट्टेबाजांवर करडी नजर ठेवण्याचे आदेश दिले आहेत. शिवाय गुन्हेगारांवरही यावेळी करडी नजर असेल. एकिकडे सट्टेबाजार आटोक्यात आणण्यासाठी पोलीस यंत्रणा कामाला लागलेल्या असतानाच दुसरीकडे बुकींनीही विविध संघांवर बोली लावण्यास सुरुवात केल्याची माहिती उघड होत आहे. 

आयपीएलच्या मागील पर्वात मुंबईच्या संघाची कामगिरी पाहता रोहित शर्मा या खेळाडूला बुकींची सर्वाधिक पसंती मिळत आहे. अशाच एका सट्टेबाजानं दिलेल्या माहितीनुसार काही संघांच्या किमती खालीलप्रमाणे...                                                      

 मुंबई- 4.90 रुपये 

हैदराबाद - 5.60 रुपये

चेन्नई- 5 रुपये 

बंगळुरू - 6.20 रुपये 

दिल्ली - 6.40 रुपये 

कोलकाता- 7.80 रुपये 

पंजाब - 9.50 रुपये 

राजस्थान - 10 रुपये 

त्याच्याकडूनच मिळालेल्या माहितीनुसार ज्या संघाची किंमत कमी तो संघ सर्वात भक्कम. जर कोणी मुंबईच्या संघावर १००० रुपये लावले आणि संघ जिंकला तर, त्या व्यक्तीला ४९०० रुपये मिळणा. सामन्याचे दर हे सतत बदलत असतात. आयपीएल ही एक मोठी स्पर्धा असून ती रद्द होणं म्हणजे मोठी नुकसानाची बाब असंही या सट्टेबाजानं सांगितल्याचं वृत्त 'झी न्यूज हिंदी'नं प्रसिद्ध केलं. मुख्य म्हणजे अनेकजण सट्टा जिंकून मिळालेल्या या पैशांचा वापर कर्ज फेडण्यासाठी आणि व्यापारात लावण्यासाठी करतात अशीही माहिती त्यानं दिली. अनेक मेट्रोपोलिटन शहरं आणि लहान शहरंही सट्टेबाजीची केंद्र बनू लागली आहेत. अशा अनेक शहरांमध्ये येत्या काही दिवसांत कोट्यवधींचा सट्टा लागण्याची चिन्हं आहेत. मुख्य म्हणजे या साऱ्या हालचालींवर पोलिसांचीही करडी नजर आहे. तेव्हा आता पुढील दिवसांत सट्टेबाजारातील घडामोडींवर अनेकांचं लक्ष असेल हे नक्की. 

यंदाही मुंबई इंडियन्स टीम विजयाची दावेदार मानली जातेय, मात्र यूएईमध्ये त्यांचा विक्रम उलट आहे. २०१४ लीगचे सुरुवातीचे २० सामने यूएईत खेळवण्यात आले होते. मुंबईने सर्व ५ सामने गमावले आणि किंग्ज इलेव्हन पंजाबने सर्व ५ सामने जिंकले होते. पंजाब अजेय राहणारी एकमेव टीम आहे. दुसरीकडे, लीगमध्ये चेन्नई सुपर किंग्जला वेगवान गोलंदाज आणि मुंबईला फिरकी अडचणीची ठरू शकते.

चेन्नईसाठी वेगवान गाेलंदाजी तर मुंबईसाठी फिरकीपटूंची चिंता

1. चेन्नई सुपरकिंग्ज:

सुरेश रैना, हरभजनसिंगची अनुपस्थिती धक्का देणारी ठरली. वॉटसनही लयीत नाही. ऋतुराज सुरुवातीचे सामने खेळू शकणार नाही. धोनी, प्लेसिस व रायडूवर फलंदाजीची मदार.

2. मुंबई इंडियन्स:

कर्णधार रोहित शर्मा, डी कॉक, ईशान किशन व सूर्यकुमार यादववर फलंदाजीची जबाबदारी. पोलार्ड, हार्दिक व कृणाल संघात. जसप्रीत बुमराह व बोल्टवर वेगवान गोलंदाजीची मदार असणार आहे.

3. कोलकाता नाइटरायडर्स:

विदेशी खेळाडू म्हणून नरेन, रसेल, माॅर्गन व कमिन्सचे खेळणे निश्चित. शुभमान गिल, कार्तिक व राणावर फलंदाजीची मदार. डावखुरा फिरकीपटू कुलदीप व कृष्णाही अधिक विश्वासु आहे.

4. राजस्थान रॉयल्स:

विदेशी खेळाडूंवर अधिक मदार. कर्णधार स्मिथ, बटलर, वेगवान गोलंदाज जोफ्रा आर्चर व अष्टपैलू बेन स्टोक्स सर्व विदेशी. सॅमसन व रॉबिन उथप्पा वगळता इतर अनुभवी भारतीय फलंदाज नाही.

5. राॅयल चॅलेंजर्स बंगळुरू:‌

कर्णधार कोहली, डिव्हिलर्स व फिंचवर फलंदाजीची जबाबदारी. अष्टपैलू मोईन अली. फिरकीपटू चहल, जम्पा व सुंदरचे त्रिकूट. वेगवान गोलंदाज डेल स्टेन व क्रिस मॉरिस.

6. किंग्ज इलेव्हन पंजाब: 

संघात मुजीब, सुचिथ, एम. आश्विन व रवी बिश्नोईसारखे फिरकीपटू. कर्णधार राहुल, गेल, मॅक्सवेल, पूरनवर फलंदाजीची मदार.वेगवान गोलंदाज शमी, कॉट्रेल व जॉर्डन.

7. सनरायझर्स हैदराबाद: 

संघ सलामी फलंदाज वॉर्नर व बेअरस्टोवर अधिक निर्भर. मनीष पांडेसह मधल्या फळीत दुसरा भारतीय फलंदाज नाही. फिरकीपटू राशिद, नबी व नदीम. वेगवान गोलंदाज भुवनेश्वर व सिद्धार्थ कौल गत सत्रात चांगले प्रदर्शन करू शकले नाही.

8. दिल्ली कॅपिटल्स: 

कर्णधार श्रेयस अय्यर, पृथ्वी शॉ, धवन, पंत, रहाणे व हेटमायरसारखे तगडे फलंदाज. अष्टपैलू स्टोइनिस व अक्षर आणि आर. अश्विन, मिश्रा, संदीप फिरकी गोलंदाजी संभाळतील.

या युवांवर खास नजर; पहिल्यांदाच लीगच्या मैदानावर

• यशस्वी (फलंदाज) राजस्थान

•  

• ऋतुराज गायकवाड (फलंदाज) चेन्नई

•  

• रवी बिश्नोई (लेग स्पिनर) पंजाब

•  

• शेल्डन कॉट्रेल (वेगवान गाेलंदाज) पंजाब

•  

• अली खान (वेगवान गाेलंदाज) कोलकाता

•  

• देवदत्त पड्‌डीकल (फलंदाज) बंगळुरू

•  

• टॉम (फलंदाज) कोलकाता

•  

सामन्यात मोठा स्काेअर आव्हानात्मक; अशात ३०+ धावा ठरतील महत्त्वपूर्ण

यूएईच्या मैदानावर मोठी धावसंख्या पाहायला मिळत नाही. १५० ते १६० दरम्यान आव्हानात्मक धावसंख्या मानली जाते. त्यामुळे ३० पेक्षा अधिक धावा महत्त्वाच्या ठरतील. मुंबईच्या ९ खेळाडूंनी ३० पेक्षा अधिक धावा केल्या होत्या. टीमने २६ वेळा ३० पेक्षा अधिक धावा काढल्या. त्याचबरोबर चेन्नई, पंजाब, कोलकाता, राजस्थान व बंगळुरुच्या प्रत्यकेी ८ खेळाडूंनी ३०+ धावा केल्या.

फिरकी गोलंदाजी महत्त्वाची, कारण गेल्या तीन सत्रांत इकॉनॉमी चांगली

यूएईमधील तिन्ही मैदानांवर फिरकी गोलंदाजांचे प्रदर्शन चांगले राहिले. अशात यंदाच्या लीगमध्ये फिरकीपटू महत्त्वाचे ठरतील. गेल्या तीन सत्रांचा आलेख पाहिल्यास फिरकी गोलंदाजांची इकॉनॉमी सर्वात चांगली आहे. २०१९ मध्ये १० पेक्षा अधिक सामने खेळणाऱ्या पाच चांगल्या इकॉनॉमी असलेल्यांमध्ये चार फिरकीपटू आहेत. लेग स्पिनर राशिद खानने ६.२८ च्या सरासरीने १७ बळी घेतले.